Sa pamamagitan ng Pantawid Liwanag Program 4 o PLP4 ay muling nakapagbahagi ng cash assistance para sa mga member-consumer-owners (MCOs) sa iba’t ibang bahagi sa nasasakupan ng ISELCO II. Ginanap ang pamamahagi ng tulong pinansyal ng tatlong magkakasunod na araw mula Nobyembre 11-13, 2021.
Ang programang ito ay pinangunahan ng PHILRECA, sa tulong ng DSWD at ISELCO II. Sa kabuuan, 324 na MCOs ang nakatanggap ng tulong mula sa PLP4. Matatandaan na nagsimula ang programa noong nakaraang taon upang makatulong sa mga MCOs sa panahon ng pandemya.
Sanib pwersa ang mga opisyal ng ISELCO I, ISELCO II at PHILRECA sa pamamahagi ng tulong na nagpakita ng pagkakaisa ng mga kooperatiba sa bansa.