DOE: ULAP o INIT, alin ang mas nakaaapekto sa solar PV panels?

Kapag makapal ang ulap, mas kaunting sikat ng araw ang umaabot sa panels, kaya mas mababa ang nagagawang solar power. Pero hindi rin ibig sabihin na mas mainit, mas mataas ang solar generation. Kapag masyadong mataas ang temperatura ng panel, maaari ring bumaba ang efficiency nito.

Sa pagitan ng dalawa, mas malaki ang direktang epekto ng makapal na ulap sa solar generation dahil nababawasan nito ang sunlight na kailangan ng solar PV panels. Ipinapakita nito na ang performance ng solar ay nakadepende hindi lamang sa pagkakaroon ng sikat ng araw, kundi pati sa mga kondisyon ng panahon at temperatura.